Navrae: Mike Eaton, tel. 083 636 0900 -
Datum: 9 Mei
2005
Sper: Geen
BUITEBAANINDUSTRIE TREE OP NA MINISTER SE BEROEP
Gedurende April het die Minister van Omgewingsake en Toerisme, die agb.
Marthinus Van Schalkwyk sy kommer uitgespreek aangaande die toenemende
aktiwiteite van buitebaanvoertuie op die ekologie. Hy het by die
geleentheid ʼn beroep op die buitebaanindustrie gedoen om stappe tot
self-regulering te neem voordat die Staat verplig word om op te tree.
Hy het die industrie ses maande gegun om die nodige stappe te neem.
In antwoord om te voldoen aan die 6-maandetydperk wat deur die Minister
gestel is, het 17 afgevaardigdes van die buitebaannywerheid die
afgelope naweek in Kaapstad vergader om te besin oor aksies wat geneem
moet word. Die bestaande aksies wat alreeds geneem is, is bevestig en
is Mnr. Jan Joubert, ʼn bekende en gerespekteerde buitebaan kenner,
outeur en natuur-bewaarder aangewys om as konvenor vir die Werkswinkel
te dien. Verskeie ampte om hom by te staan is ook bevestig.. Mnr.
Joubert het klem gelê op samewerking tussen die nywerheid, die
Ministerie, die DOET, NRO sowel as provinsiale
natuurbewarings-liggame.
Die doel van die Nasionale Buitebaan Werkswinkel is om ʼn Witskrif te
produseer en aan die Minister te oorhandig na afloop van die samekoms
wat in die George omgewing, gedurende Oktober vanjaar sal plaasvind.
Dit is ook die doel om ʼn nasionale liggaam te skep wat die
belange van die buitebaanindustrie sal verteenwoordig.
Tot onlangs was dit slegs die Association of All-Wheel Drive Clubs of
South Africa (AAWDC) –wat al sedert 1987 funksioneer, wat gepoog het om
as inspraak vir ʼn gedeelte van die industrie te verteenwoordig. Dit het
egter duidelik geword dat nie slegs enkele segmente nie, maar die hele
buitebaannywerheid betrokke te kry.
Verteenwoordigers by die naweek se vergadering het o.m. ingesluit die
AAWDC (4x4 klubs), SAROOF (roete-eienaars), die Toer- en safarigidse,
NAAMSA (motorvervaardigers), ANID (motorfiets en
viewielmotorfietsinvoerders), en SAVRALA (voertuigverhuring).
Verskeie waarnemers van verwante bedrywe en professies het die
vergadering ook bygewoon.
Alle liggame wat verteenwoordig wil wees, of wil deelneem aan, of ʼn
bydrae lewer tot die ontwikkeling van die Witskrif en uiteindelike
verteenwoordiging van die nywerheid word versoek om Mnr. Joubert
onverwyld te skakel by 021 8500010
